Danaw Lanao

Ti Danaw Lanao (Maranao: Ranao wenno Ranaw) ket ti dakkel a taga-ugma a danaw iti Filipinas, a mabirukan idiay probinsia ti Lanao del Sur iti akin-abagatan nga isla ti Mindanao iti pagilian. Iti maysa a kalawa iti rabaw iti 340 km2 (130 sq mi), daytoy ti kadakkelan a danaw iti Mindanao, ken ti maikadua a kadakkelan a danaw iti Filipinas ken maibilang a kas maysa kadagiti 15 a taga-ugma a danaw iti lubong. Mangidurduronen dagiti eskolar iti pannakairaman ti danaw iti Listaan ti Tawid iti Lubong ti UNESCO.

Dagiti pisikal a pakailasinan

Binukel ti danaw babaen ti tektoniko-bulkaniko a pannakapenned iti maysa a labneng iti pagbaetan dagiti dua a kabambantayan ken ti pannakarebba ti dakkel a bulkan. Daytoy ket addaan iti kaadalem iti 122 m (400 ft), ken ti agpakatengnga a kaadalem iti 60.3 m (198 ft). Ti labneng ket kaababawan iti turong ti amianan ken umad-adalem iti turong ti abagatan.

Ti danaw ket pakanen dagiti uppat a karayan. Ti laeng rummuaranna ket ti Karayan Agus, nga agayus iti amianan-laud iti Luek Iligan babaen dagiti dua a kanal, ti maysa ket iti Dissuor Maria Cristina ken ti sabali ket iti Dissuor Tinago. Ti naipatakder a planta ti hidroelektriko iti Danaw Lanao ken ti sistema ti Karayan Agus ket agpataud iti 70% iti koriente nga us-usaren babaen dagiti tattao iti Mindanao.

Ti danaw ket ayan dagiti mitiko ken leyenda iti tribu ti Meranaw. Ti nagan a Meranaw ket naala manipud iti nagan ti danaw ken ti kayatna a sawen ket "ti tattao nga agtataeng iti likmut ti danaw".

Biodibersidad

Nairangarang ti Danaw Lanao a kas reserba ti taudan ti danum idi 1992 babaen ti Presidensial a Proklamasion 971 tapno maipasigurado ti pannakasalaknib ti bakir ken ti maiparuar a danum para iti bileg ti danum, panagsibog ken domestiko a panagusar.

Ti danaw ket (wenno idi) ket pagtaengan dagiti 18 nga endemiko a sebbangan iti ikan a cyprinidae iti henero ti Barbodes (kaaduan ket dati iti Puntius). Daytoy ket mangsuporta pay iti maysa nga adu a bilang dagiti billit iti danum. Ti maysa a panagsukisok idi 1992 ket nakabiruk laeng kadagiti tallo nga endemiko a sebbangan ti ikan, ken dua laeng (ti Barbodes lindog ken B. tumba) ti nabirukan idi 2008. Daytoy ket naipampammatian a ti nakaro a panagkalap , rugit ken salisal manipud kadagiti naipayammo a sebbangan ket gapuanan ti pannakaawan dagiti nabati. Idi Oktubre 2006, ti maysa a panagadal manipud iti Unibersidad ti Estado ti Mindanao ket nakaduktal iti dakkel unay a kontanimasion ti algas iti Danaw Lanao. Iti un-unana, ti di nasayaat nga ayus ti rugit ket panangimaton iti rugit ti agrikultura ket isu dagitoy ti nakitkita a gapuanan iti kontaminasion. Nupay kasta, inbagbaga ti Department of Agriculture and the Bureau of Fisheries and Aquatic Resources a ti nurunor ti daga manipud iti indiskriminado a panagtarikayo ken ekstensibo a panagusar iti daga ken panagtalon ket dagiti parikut a nagtaudan ti kontamision ti algas. Ti kappi ti nasadiwa a danum Sundathelphusa wolterecki (Parathelphusidae) ket endemiko iti rehion ti danaw.

Dagiti 18 nga endemiko a sebbangan ti cyprinidae iti Danaw Lanao:

  • Barbodes amarus Herre (pait; dipura)
  • Barbodes baoulan Herre ** (baolan)
  • Barbodes binotatus Valenciennes (Pait sah Gandamatu)
  • Barbodes clemensi Herre (bagangan)
  • Barbodes disa Herre ** (Diza)
  • Barbodes flavifuscus Herre (tumba)
  • Barbodes katolo Herre (katolo)
  • Barbodes lanaoensis Herre (kundur)
  • Barbodes lindog Herre ** (lindog)
  • Barbodes manalak Herre ** (manalak)
  • Barbodes pachycheilus Herre (Bongkaong)
  • Barbodes palaemophagus Herre (bitungu)
  • Barbodes palata Herre ** (palata)
  • Barbodes resimus Herre * (bagangan sa erungan)
  • Barbodes sirang Herre sirang; (Tumaginting)
  • Barbodes tras Herre (tras)
  • Barbodes truncatulus Herre (bitungu)
  • Barbodes tumba Regan (tumba)

Dagiti nota:
* — Kadakkelan a patneng a sebbangan iti Danaw Lanao
** — Sebbangan iti nangato a pateg iti komersio

Iti kultura

Ti maysa a mito iti Maranao ket mangipalawag iti pannakabukel ti danaw. Idi un-unana nga aldaw, adda idi maysa a nagturay nga ammo a kas ni Mantapoli a naipatengnga iti Danaw Lanao. Ti tattao iti turay ket immadu iti populasion gapu iti panagpasayaat kadagiti adu a pagobraan. Gapu ti kellat nga iyaadu ti populasion ken bileg, nadadael ti kinabalanse ti pagbaetan iti Sebangan (daya) ken Sedpan (laud). Daytoy a parikut ket naammuanen babaen ni arkanghel Diabarail (para kadagiti Maranao a Muslim wenno Gabriel para kadagiti Maranao a Kristiano). Kalpasanna, napan idiay langit ni Diabarail ken inpadamagna kenni Allah. Ni Sohora, ti bise ni Allah, ket binalakadanna ni Diabarail a mapan kadagiti pito a rehion iti sirok ti daga ken dagiti pito a rehion iti langit tapno paayabanna dagiti anghel. Kinuna pay ni Sohora nga intono napno nga ipatakder ni Allah ti barahana (salip ti init), ikkatendanto ti Mantapoli manipud iti lokasionna ken iyalisda iti tengnga iti lubong. Idi naayaban dagiti anghel ken naaramid ti barahana, naiteleporta ti Mantapoli iti tengnga ti daga, ken nakaibati daytoy iti dakkel nga abut iti dati a lokasionna. Kanungpalan a napunno iti danum ti abut ken nagbalin iti maysa nga adalem nga agmaris iti asul a danaw. Idi nakita ni Diabarail dagiti ugot ti danum, dagus a napan ti langit tapno ireportana kenni Allah. Inbagana kenni Allah a dagiti danum ket lemmesenna dagiti tattao. Idi nangegna daytoy, binilin ni Allah ni Diabarail a mangayab kadagiti uppat nga angin (Angin-Taupan, Angin-Besar, Angin-Darat, ken Angin-Sarsar) tapno puyotanda dagiti sobra a danum ken mangipatakder iti ruaran a pagayusanto ti danum. Kalpasan ti tallo a panagipadas, nagballigi dagiti angin ken naipatakder ti Karayan Agus.

Dagiti akinruar a silpo

Listed in the following categories:
Post a comment
Tips & Hints
Arrange By:
There are no tips nor hints for Danaw Lanao yet. Maybe be you will be the first one to post useful information for fellow travellers? :)

Hotels nearby

See all hotels See all
SUPERIOR ROOM (GOOD FOR 4 PERSONS)

starting $0

Maxim Inn

starting $10

Plaza Alemania Hotel

starting $53

Celadon Pensionne House

starting $24

Benison Residential Homes

starting $0

Maria Christina Hotel

starting $20

Recommended sights nearby

See all See all
Add to wishlist
I've been here
Visited
Abaga Falls

Abaga Falls is a waterfall and ecosystem located approximately 15km

Add to wishlist
I've been here
Visited
Maria Cristina Falls

Maria Cristina Falls is a waterfall of the Agus River on the island of

Add to wishlist
I've been here
Visited
Limunsudan Falls

Limunsudan Falls is a two-tiered waterfall located in Barangay

Add to wishlist
I've been here
Visited
Bantay Apo

Ti Bantay Apo ket dakkel a solpatariko, a mabalin nga aktibo nga

Add to wishlist
I've been here
Visited
Lazi Church

The San Isidro Labrador Parish Church (Spanish: Iglesia Parroquial de

Add to wishlist
I've been here
Visited
Loboc Church

The San Pedro Apostol Parish Church (also Saint Peter the Apostle

Similar tourist attractions

See all See all
Add to wishlist
I've been here
Visited
Jökulsárlón

Jökulsárlón is the best known and the largest of a number of gl

Add to wishlist
I've been here
Visited
Lake Pukaki

Lake Pukaki is the largest of three roughly parallel alpine lakes

Add to wishlist
I've been here
Visited
Minnewater

Minnewater or Love Lake is a lake in the center of Bruges, Belgium

Add to wishlist
I've been here
Visited
Meiktila Lake

Lake Meiktila (Burmese: မိတ္ထီလာကန် ]) is a lake located near Meiktila

Add to wishlist
I've been here
Visited
Dique do Tororó

O Dique do Tororó é o único manancial natural da cidade de Sa

See all similar places