Ti Coron ket ti maikatlo a kadakkelan nga isla iti Is-isla Calamian iti akin-amianan a Palawan idiay Filipinas. Ti isla ket parte ti dakdakkel nga ili iti isu met laeng a nagan. Daytoy ket agarup a 170 nautika milia (310 km) iti abagatan a laud ti Manila ken maammuan para kadagiti nadumaduma a tidda ti barko ti Hapon ti panawen ti Sangalubongan a Gubat II. Gapu ti naidumduma a langa ti ekolohiana, daytoy ket intero a nasalakniban babaen dagiti nadumaduma a proklamasion.
Ti isla ken dagiti naipalikmut a pagkalapan ket parte ti nagtaudan a daga dagiti indihenio a tatao a Tagbanwa, ken opisial a nidesgnado a kasta idi Hunio 5, 1998. Ammo a kas Calis kadagiti Tagbanwa ken dagiti taga-Coron, ti daulo ti tribuna ket ni Rodolfo Aguilar I.
Ti isla ket buklen dagiti dua abaranggay ti ili ti Coron: ti Banuang Daan ken Cabugao.
Sangkabassit a pagbaetan dagiti isla ti Busuanga ken Culion, sanguen ti Isla Coron ti Baybay Sulu ken mangporma ti akindaya a bangir ti Luek Coron. Daytoy ket agarup a 20 kilometro (12 mi) iti kaatiddog manipud iti amianan aginggana iti abagatan, ken 9 kilometro (5.6 mi) iti kaakabaan a puntona.